NVO Mladiinfo Montenegro raspisuje audiciju za mlade glumce sa područja opštine Zeta. Ukoliko ste talentovani, mladi, imate od 18 do 30 godina, onda je škola glume pravi izbor za vas.
Radionica će se održavati srijedom sa početkom u 16 sati. Ista će trajati sat i po, a cijena je 20,00 eura mjesečno. Radionicu će držati glumac Đorđije Tatić, koji je ujedno režirao predstavu “Pozdravi nekog” a za čiju izvedbu je zadužena Mladiinfo amaterska glumačka grupa (MAGG).
MAGG je grupa mladih ljudi koji gaje strast prema glumi i žele kroz tu vrstu umjetnosti da iskažu svoju kreativnost i pokažu svoj potencijal.
Glumci će i ove godine raditi na kreiranju novih predstava u koje će biti uključeni i novi članovi grupe.
Za prijavu je potrebno poslati kratku biografiju na mejl: kontakt@mladiinfo.me ili u inbox fejsbuk stranice. Prijave slati do 10. aprila.
